Dobil sam špotance od pajdašije kaj sam zaboravil spomenuti Slavena i najbolši roštilj v povijesti koprivničkoga roštiljanja. Kak sam mogel zaboraviti Štefa Martinuša i njegov nadaleko poznati roštilj? Nisi mogel tak dobro večerati, a da posle kratke šetnje po koprivničkom korzu ne završiš v Slavenu. Standardna naruđba moje klape je bila kombinacija, a naš dragi pajdaš Čvrknja je imal svoju kombinaciju: ‘Prosim lepu botu i čevape!’. Konobari su znali kaj to znači a morem vam reči da se tu i tam i meni to zdopalo.
Ponuda v kopriničkoj okolici
Napraviti izlet prema Đurđevcu, prema Šoderici, Kutnjaku ili čak do Varaždina nije bila nikakva novost. Srečom kaj su neki naši pajdaši več imali aute, benzin nije bil skupi a i za kakvu dobru papicu se navek našel koj dinar.
Več vu Vlajslavu Pri Đuki je letima bila dobra janjetina. I tak jemput dojdemo Joško, Čvrknja i ja jedno popodne kakti na kasni obed i naručim kilu janjetine. Čvrknja je mam reagira: ‘Prosim lepo dve kile. Bum videl jel bu kaj ostalo!’. I fakat nije ništ ostalo i nije trebalo prositi da nam ono kaj ostane zamotaju za doma. Jedina je falinga bila kaj nam ni pasal gemišt pa smo se morali navrnuti do Gabreka na Brege. Da nebi pili na prazan želudec, pojeli smo prgu da gemišt bolje legne. Novigrad je nekaj dalje, al nigda ni predaleko skoknuti na gablec.V centru, tam na onome velkome zavoju, bila je birtija Drava v koju je trebalo dojti na kuhani buncek. Mislite da nismo išli i nekaj dalje? Jesmo itekak. Na izlazu z Đurđevca z leve strane bil je Črneli koji je saki dan, v sako doba leta, imal kuhanu šunku z hrenom. Pri njima je navek bil Vuzem.
Zadnja birtija na tom potezu prema Virovitici je bil Kloštar Podravski. Ništ posebno, osim kaj je jedna birtija nudila šalatu od govedine. Sad si mislite da to ni bogznakaj. Morti i nije, al je nama bila prefina. Bili su to baš lepo rezani komadi govedine z fest luka, dobro začinjeni, z puno koščičnoha ulja pa si mogel i tunjkati v tom ulju friškoga kruha. V samom Đurđevcu smo često svirali, čak na tri Picokijade, dobro se jelo, al ne pamtim nekaj specijalno.
Na putu prema Varaždinu je bila pak čist jedna druga ponuda. Nebute verovali da smo jedno vreme Fjaka, Pepek i ja išli na gablec v pondelek, negde oko jedanajste vure, K Capaku v Sobotici. Mam vam je jasno da je to bilo pod radnim vremenom i verojatno se pitate kaj je to bilo tak posebno? Bil je to samo dobro pečeni odojek. Gazda je odojke kupoval negde po bilogorskim selima, prirodno hranjeni, mršavi bez ikakve masnoče. Mogli ste i potrbušnicu jesti kak šnicla. A zakaj v pondelek v jutro? To je v Koprivnici pijačni dan, ljudi putuju sim-tam pa rado navrnu na friško pečenje.
Nekaj malo dalje, v Rasinji, su bili ribnjaki i restoran. Naravno da se nudila riba na sve moguče načine, fišpaprikaš je bil vrlo korektan al se najbolje sečam gratiniranog šarana. Tam sam čak jemput otpelal jednog Podravkinog suradnika Dalmatinca koj mi je priznal da inače ne jede rečnu ribu, al da je ovo baš bila poslastica. Ovo mi morti nebute verovali. Moj je kum Fjaka dobil novoga auta još prije nego je došel v Podravku, znal me je nazvati i predloži: ‘Kume pozivam te na gablec’. ‘Može. Kaj predlažeš?’ ‘Bumo skoknuli do Gurmana vu Varaždinu!’. I kaj sad? Nije ni Varaždin na kraj sveta. Gurman vam je bila birtija za gablece i mislim da v popednevnim vurama nije ni delala. Bili su poznati po najbolšim gablecima v celome kraju. Nudili su: gulaš, paprikaš, jetrica, fileke, grah na sve mile načine. Jako važno: imali su odličan gemišt z Varaždin Brega. Mislite da smo bili jedini Koprivničanci koji su dolaizli na gablec? Ni govora. Sretali smo i neke druge slične nama.
Dva jelena v Kutnjaku, bircuz poznatiji po gazdi Ščuriju, jedno je vreme bil baš jako v modi. Osim divljači, mogli ste pojesti baš dobru dravsku ribu. V toj sam birtiji doživel nekolko put kartaške partije okorjelih kockara. Naravno da se ja nisam kartal, bil sam samo kibic i veza ze šankom i kuhinjom. Nije se kartalo samo za novce, nego i za ceh te večeri. Kak kibic sam smel gledati karte, nisam smel ništ komentirati, a honorar mi je bil večera i gemišt.
Svakak moram spomenuti našu Šodericu. V Beloj lađi, koju je držal moj šulkolega Miška, mogli ste pojesti odličnu ribu jer je njegova gospođa bila vrhunska kuharica za pripremu ribe.
Kraj vuzmenoga tjedna
Znate kaj. Tu vam nemam kaj preveč za reči. Znam da svaka familija ima nekakav svoj tradicionalni jelovnik, samo je pitanje količine obzirom na broj članova familije. Naravno da se za te dane priprema svega malo više. Treba samo malo videti kaj se sve nudi i po kojoj ceni. Pročital sam da je negde v Slavoniji nestalo več pred tjedan dana šunke, a neki su si šunku bezicirali več i za sledeče leto. Zgleda da smo počeli malo i preterivati.
Ja bum za ove dane ovak nekaj pripremal. Možda vam se nekaj zdopadne.
Od srca želim svim čitateljima Sretan Vuzem!
Moj tjedni jelovnik
Petek
Danas moram poštivati tradiciju obiteljskoga stola. Kak nas bu jedanajst z decom moram paziti da buju svi zadovoljni. Obed bu sigurno nekaj kasneše nego obično.
Predjelo: Namaz od graha z koščičnim uljem, bakalar na belo; tostani kruh
Juha: Juha od kozici i osliča z kašicom
Glavno jelo: File od soma/grgeča na pariški, krumpir na putru
Desert: Draganovečka graševina i po želji dece jogurt-torta
Subota
Juha/Glavno jelo/Desert: Skoro sam siguran da nebum ništ kuhal. Ili buju ostanjki od jučer ili nekakva „prazna“ testenina. Tak i tak imamo pripreme za sutra.
Nedela/Vuzem
Danas bu malo manjši familijarni krug i pak malo kasneši obed.
Kak smo Đuro i ja v jutro sami bumo blagovali nekaj kasneše i to naravno jako tradicionalno i skromno:
Fruštuk oko devet vur:
Rakijica od marelice za aperitiv
Šunka, jajca, hren, rotkvice,mladi luk, cipof (fini podravski beli kruh)
Obed oko jedne vure:
Juha: Goveđa juha, leberknedli i sitni rezanci
Toplo predjelo: Kuhana junetina, hren sos, povrče z juhe
Glavno jelo: Pečena janjetina, mladi krumpir, šalata, mladi luk
Desert: Čaša vina, verojatno kardinal šnite, kapučino/kava
Pondelek/Vuzmeni pondelek
Juha/Glavno jelo/Desert: Moram vam se malo požaliti. Kak i navek na taj dan ima obilje ostanjki. Mi smo pak pozvani k našim prijatelima v Golu na obed jer je gazdi drugi dan rođendan. I sad ti budi karakter i probaj se othrvati napasti. Bumo i to zdržali.
Tork
Juha/Glavno jelo: Mislim da bu dobro došla jedna kisela juha od pilečega sitniše ili čak morti vajngulaš z malo krumpira.
Desert: Drobnih kolači bu sigurno od Viuzma
Sreda
Juha: Prežgana juha z krutonima
Glavno jelo: Kajgana z ostanjkima vuzmene šunke, zdela šalate
Desert: Dobra bu i čaša zdene vode
Četrtek
Juha/Glavno jelo: Čušpajz od kelja, par kranjskih
Desert: Vočna šalata
