Pred točno šezdeset let jedna je generacija gimnazijalci maturirala na novoj lokaciji v prostorijama tadašnje Ekonomske škole. Bili smo iskreno nesretni s činjenicom da bumo kak prva generacija maturirali izvan zgrade ‘naše gimnazije Ivo Marinković’. Iz revolta nismo, barem neki, došli ni na akciju preseljenja v nove prostorije, v uverenju da to neki shvate kao nepravdu prema nama. Za truc i mi i mnogi drugi stareši gimnazijalci OŠ Antun Namčić Gostovinski zovemo Gimnazija.
Bili smo jedna mala generacija, bilo nas je samo dva razreda, nije bilo nikakvog posebnog rivaliteta između ‘akača’ i ‘bekača’, između društvenjaka i prirodnjaka. Dok smo pripremali našu dvadesetu obletnicu, napustila nas je 1983. legendarna profesorica Nada Vogel, razrednica b razreda, koja do kraja svojeg radnog veka više nigda ni imala razredništvo. Razrednik a razreda bil je Ivo Kušek Apaš, neverojatna ljudina, veliki sportaš, prije stareši prijatel nego strogi profesor. Tim veče je naše zadovoljstvo da stadion našega Slavena nosi njegovo ime.
Nakon ispračaja prof. Vogel v Đurđevcu, jedna grupa kolegica i kolega, z čašicom za pokoj duše, zaključila je da nema smisla sastajati se svakih pet ili čak deset let, nego da krenemo na svakoletnje okupljanje. I tak je to počelo pred četrdeset let. Sastajali smo se navek početkom lipnja na različitim mestima, al smo nekak najčešče bili v negda elitnom restoranu Crna gora, a onda i pri meni v goricama. I ta je tradicija trajala sve do one nesretne korone koja je na tri lete prekinula tu tradiciju. Dugo, predugo je trajala ta pauza, da konačno pak vidimo drage kolegice i kolege z kojima ste podelili čez šezdesetak let tak puno predivnih uspomena na te dane školovanja. V međuvremenu je priroda napravila svoje, mnogi su nas dragi napustili, al verujte da su i nakon tolko let bili predmet naših priča i anegdota. Naše sugrađane bum podsetil da je ova generacija utemeljila Udrugu Gekoma koja je prije deset let odlučila pisati o povijesti koprivničke gimnazije pa smo, makar veteranska udruga, do danas uspeli objaviti čak deset knjiga pod naslovom ‘Maturanti staroga kova’. Ovih dana završavamo, udruženi z ovogodišnjim slavljenicima z pedeset let od mature, i jedanajstu knjigu pod tim naslovom. Morate priznati, jako velki uspeh i velko zadovoljstvo naše generacije i kolegica i kolega drugih generacija koji nam z leta v leto šalju svoje priloge i slikice.
Sad vas verojatno zanima kak zgleda ova naša generacija? Evo slike, pa morti prepoznate nekoga od svojih ‘malo ozbilneših’ sugrađana.
Naravno da smo si na rastanku obečali i dali časnu pionirsku reč da se bumo svakak sreli i sledeče leto početkom lipnja. Moramo nekak nadoknaditi onih tri lete prisilne pauze.
Žalosna istina
Ovo smo se leto pak našli v hotelu Podravina obzirom da je to bilo mesto gde smo se okupili na desetoj obletnici. V to sam vreme bil aktivni muzikant pa je naš bend pridonesel štimungu tom prvom našem velkom okupljanju nakon mature.
Morti se pitate zakaj sam napisal ovo ‘žalosna istina’, a sretan sam kaj smo se konačno pak našli? To vam se odnosi na čisto jednu gastronomsku temu. Najme kaj. Od navek smo volili dobro pojesti i popiti, naša su okupljanja navel bila mali festival dobrog ‘iča i piča’, ne samo po kvaliteti, nego i po količini. Tak sam vam ja i ovo leto kak organizator bil v situaciji da zberem za tu priliku odgovarajuči jelovnik. Dobil sam ponudu z nekolko predloga i nekak sam se odlučil za jedan koj bi mogel biti za sve nas prihvatljiv. Nedaj bože da bu neko gladen. Pogledajte kak je to zgledalo:
Piče dobrodošlice
Hladno predjelo
Glavno jelo: Goveđa juha, zagrebački odrezak od puretine, medaljoni od svinjetine v umaku od gljivi, rolice od piletine punjene mladim povrčem, kroketi, mešano povrče, podravski krumpir, sezonska šalata.
Desert: štrukli sirom i jabukama; piče po izboru.
Probajte tome prigovoriti. Nemrete. Sve je kak bog zapoveda, al v svemu tome ima jedno jako veliko ALI. Nekak sam pri svemu tome zaboravil na naša leta i na naše prehrambene navike v tim letima. I na kondiciju naravno. Dok je sve to došlo na stol setil sam se jednog našeg pajdaša koj je znal reči: ‘Ajme ljudi da je gladnih!’ Tak vam je bilo i ovaj put. ‘Žalosna istina’ je da v ovim našim letima moramo malo oprezneše birati jelovnik i nekak ga prilagoditi mogučnostima. Nek to bu i savet nekim mlajšim generacijama dok dojdu v ova leta: manje količine ili nek buju veče pauze između sledova. Količina konzumiranoga piča vam je pak još jedna ‘žalosna istina’. Ni vredno ni spomena. Gde su ona vremena dok se moralo barem pet-šest put popiti ona ‘putna’ i dok smo se rastajali negde oko podne drugi dan. A bilo je svojedobno i takvih slučajeva.
I kaj da vam rečem za kraj. Bilo je lepo videti drage kolegice i kolege, pretepsti neke več davno zaboravljene zgode z mladosti, razmeniti i analizirati naše trenutno zdravstveno zdravlje i zaključiti: ‘Svakak se vidimo k letu v istom sastavu na istom mestu!’. Iskreno se nadam da to i bu.
Moj tjedni jelovnik:
Petek
Juha/Glavno jelo: Starinski grah čušpajz z špekom kobasom; zakaj sam napisal ‘starinski’? Oču grah kak je delala moja mama: gusto, zafgrig na kraju. Obično ga delam jako ‘lajt’, a to ni ono pravo.
Desert: Svakak jedan dobar gemišt
Subota
Razmišljam si ovak: nek bu jedan vikend v dvoje: Đuro i ja. Malo posla, malo lješkarenja, malo roštilja.
Predjelo: Od svega pomalo: domača kobasa, špek, sir z vrhnjem, mladi luk.
Glavno jelo: Roštilj za dvoje, čista klasika: svakom po pet čevapa, štap ražnjiča i po falačec vratine; dodali bumo koju brusketu ili lepinjice i šalatu od luka z koščičnim uljem.
Desert: Jako lagani gemišt ili čak musolini; sledi jedan kratki odmor v ležaljki.
Nedela
Juha: Anjgemahtec
Glavno jelo: Pohana piletina, rizibizi, šalata; najte mi zameriti al meni je nedela najčešče podsečanje na pohanu piletinu.
Desert: Zagrebačke šnite, kapučino
Pondelek
Juha: Bela juha
Glavno jelo: Zapečeni rezanci sa šunkom i sirom
Desert: Naravno da bu zagrebačkih od jučer
Tork
Juha/Glavno jelo: Čušpajz od korabe z dost vrhnja; dodajte samo par kranjskih
Desert: Zdelica trešnji
Sreda
Juha: Krem juha od brokule z fritatama
Glavno jelo: Dinstana jetrica na saft, hajdinska kaša
Desert: Sok od koprive; naravno od friškoga koprivinog sirupa
Četrtek
Juha/Glavno jelo: Pileči rižoto, matovilec šalata
Desert: Vočna šalata
