Najavil sam prošli tjedan priču o koprivama pa je red da to obečanje ispunim. To bi pri nama v Koprivnici trebala biti jedna stalna priča jer nekave tradicije i legende to i nisu ak se ne ponavljaju. Priče o koprivama nas zapraf pratiju od ranoga detinjstva i navek smo imali nekakvoga ‘straha’ od te čudesne biljke. Pekla je za noge i ruke, a z druge strane su stari ljudi znali reči da su zapraf koprive ljekovito bilje, jako dobre za lečenje nekih tegoba kak je reuma. Do danas sam ipak ostal na tome da verujem v njihovu vrednost kak prehrambene namirnice. Pronašel sam dve knjigice o koprivama: Tajne koprivine kuhinje i Neuništiva blagodat koprive.
Tajne koprivine kuhinje
V predgovoru ove knjigice Elizabeta Herceg je zapisala ovo: ‘Od kolijevke pa do groba…’ stara, draga izreka poznata svima, dobiva novi samisao – ‘Tako se otkrilo da je kopriva i ljekovita biljka – fina je i dobro da malo peče. Počeli su ljudi raditi ljekove – lijek koji su nazvali KOPRIVNICA. Taj lijek bi im pomogao da se osjećaju bolje. Dok su gradili kuće, bili u prašini, dimu ili se posjekli. Dok su izgradili kuće i cijeli grad, odlučili su da se on zove po lijeku…! Evo KOPRIVNICE!’.
Na kraju predgovora Elizabeta je dodala rečenicu: Molite se za koprivu da ne nestane iz naše okoline. Ona će vam obilno uzvratiti. LJUBAV ZA LJUBAV!
Ove marljive ženice iz Udruge za terapeutske vještine Koprivnica dale su si fakat truda i dale recepte za nekolko sjajnih jela koji naprosto vabiju čoveka da to sve sproba. Baš ovo proljetno vreme koje je pred nama bu v netaknutoj prirodi jako puno mladih koprivi kakti pravoj namirnici za sprobati barem dio tih recepti. Kaj je mene zainteresiralo? Evo par jela koja bi mogla biti prava delicija:
- Pljeskavice od piletine; s dodatkom kopriva,
- Pametne palačinke uz dodatak svinjskog mozga,
- Zapečeni grah s koprivama,
- Zapečene rolice od mlinaca,
- Pogača s koprivama,
- Okruglice od kruha i kopriva,
- …i još puno toga. Na sve to dodajte malo mašte i dobre volje i rešili bute nekolko pravih gastronomslih jela ovoga prolječa.
Neuništiva blagodat koprive
Ovu je knjigicu objavila ista udruga 2008. godine, no ovaj sam put mogel otkriti i prave autorice sadržaja i recepte pojedinih jela. Meni je bilo intresantno kaj je uvodni tekst napisala kolegica Majda Pavić, nekadašnji Podravkim stručnjak, koja se bavila i ljekovitim biljem. Citirat ču njezinu uvodnu rečenicu: ‘Kopriva raste kao svakom poznat neželjen korov, gotovo po cijelom svijetu. Nalazimo je uz putove, oko naselja, uz ceste, po vlažnim šumama, po vrtovima i zapuštenim mjestima’. To če reči da imamo tu oko sebe na dohvat ruke jednu interesantnu namirnicu a k tome još i zabadaf. Ipak smo mi Podravci.
Kaj se sve nude autorice?
Božica Sitar je ponudila Jela dobrodošlice:
- Koprivini klipiči
- Osmice s koprivom
- Pogačice sa sirom i koprivom
- Zeleno brdo
- Zeleni croisants
Slavica Čulić nudi Slavimo s koprivom:
- Kolač od kokosa
- Namaz od leće
- Pizza party
- Prutići od sezama
- Koktel raspoloženja
- Kolač s brusnicom
Vesna Katar dodaje Slano-slatki zalogaji s koprivom:
- Valjčeki od batata i koprive
- Šarena rolada s povrćem i koprivom
- Blagdanska zlevanka
- Ploškice
- Reberinska štruca
Elizabeta Herceg je predložila Kopriva na blagdanskom stolu:
- Koprivvčići
- Školjke
- Domaća koprivnjača
- Mačji pogled
Za kraj je Eva Aleksovski dodala Bakinu pitu.
I sad ti odoli. Rekli bi ljudi ‘korak po korak’. Prvo bum ovih dana v goricama i v šumarku prek puta poiskal mlade koprive, a onda predložil Đuri da udružimo snage i podelimo zaduženja: ona nekaj od slatkoga, a ja nekaj od slanoga. Bum vas izvestil kak je to sve skup ispalo. Nekakva iskustva več imamo al sad moramo malo proširiti i obogatiti naš jelovnik.
Josipovo
Ovaj velki svetek je jako važan za sve one koji nose to lepo ime. Vu vremenima naše mladosti to je bilo jako često domače ime, onda se malo povleklo pod navalom modernih imena, al mi se čini da je pak došlo pomalo v modu. Z imena Josip morete napraviti sve moguče varijante i navek lepo zvuče. Kaj nije lepo dok imate pajdaša kojega zovete Joso, Joško ili Pepi? Verojatno znate da je Josip i zaštitnik Hrvata kaj je još jedan razlog da ga proslavimo na malo svečaniji način. Još 1687. leta Hrvatski sabor je proglasil Sv. Josipa zaštitnikom Hrvatskog kraljevstva, onda se to malo zanemarilo da bi biskupi 1972. potvrdili da je ta odluka još navek na snagi. To moramo poštivati. Za nas vinogradare je pak Josipovo jako važan datum kaj se tiče važnih proljetnih radova. Svaki pošteni vinogradar, čak i takav kak sam ja, mora znati da je to nekak zadnji rok do kad se moraju obrezati gorice. Sledi vezanje, košnja trave i slični posli. Počel je naravno i onaj nezaobilazni proljetni umor kojega mi stareša gospoda posebno osečamo. Sve v svemu, v goricama su počeli ozbiljni radovi i tak bu nekak sve do Martinja.
Moj tjedni jelovnik
Petek
Juha: Juha od zmrznutog osliča z povrčem
Glavno jelo: Kuhani oslič, slani krumpir na putru
Desert: Čaša vina
Subota
Ak najdem mlade koprive bum sprobal ovo:
Juha/Glavno jelo: Zapečene palačinke; z koprivama naravno
Desert: Čaša crne pive
Nedela
Juha: Juha od junečega repa z krpicama
Glavno jelo: Kuhani rep, pire, koparsos
Desert: Štrukli sirom
Pondelek
Juha: Krem juha od povrča
Glavno jelo: Pileča jetrica na saft, hajdinska kaša
Desert: Vjerojatno štrukli od jučer
Tork
Juha: Jedna Podravkina z vrečice
Glavno jelo: Pečeni krumpir na ploške z nekolko šniti špeka, šalata
Desert: Sok
Sreda
Ovo je po Janovoj naruđbi
Juha/Glavno jelo: Filana paprika na dalmatinski, pire
Desert: Fritule
Četrtek
Juha: Prežgana juha z krutonima
Glavno jelo: Čurke/krvavice, restani krumpir, turšija
Desert: Gemišt
