– Pa ti si lud čovek, ja sam mislil da se zafrkavaš, a ti si stvarno to napravil – viče Štef kaj čuje celo igralište u trenutku kad me je videl.
– Došel si vu svoje Hlebine na utakicu vu Bregovskoj majci, pa ti si totalno pukel. Pak tvoji Hlebinci te budu vmorili. Al kaj je da je svaka ti čast ispunil si obećanje, možda si čak i čovek – govori meni iznenađeni Štef i gura mi pivu vu ruku da si popijem s njim. Radi tih piva sami i nadrapal kaj sam došel vu svoje selo s majicom susjednog kluba. Bilo je to vu Kvikiju nakon n-te runde došla je Štefu ideja da ak on meni pokloni majicu bregovske Mladosti, da ja vu njoj moram dojti na utakmicu. I eto došla je ta nedjelja i taj dugo očekivani susret, pak sam moral ispuniti obećanje i dojti vu njoj.
– Dečko pa kaj je ovo, to ti je kriva majca, prodana dušo, plačeniku – dobacivali su mi Hlebinci.
– Je dečki to vam je tak, oni više plačaju – odgovoril sam im ja u šali.
Nakon prvog vala komentara kak s jedne tak i s druge strane nastavili smo pratiti utakmicu. Moram priznati da je utakmica bila poprilično napeta, jer da je Lipa pobijedila postala bi prvak 2. ŽNL, i vrlo vjerojatno celo selo bi se znapilo ko svinje. Nije pobijedila. Štef je nastavil s svojim komentiranjem svega i svačega, a najviše utakmice do trenutka kaj je iz vedra neba ispalil.
– Marko Posavec, si poslikal ve ovu akciju – rekel mi je on.
– Štef daj se nasmi, te ni valjda šlag strefil. Pak dobro znaš da sam ja Valentino, a Markec ti je on mršavi čovek z malim autom i jako velkim fotičem – velim ja njemu smrtno ozbiljno.
”Je trebaš za to volju imati, ja se rađe šečem do šanka, neg da vlečem su opremu po poljima. Ja i oblaki ti nejdemo skupa, sem preleni ja za to – velim ja njemu”
– Am znam, pak još nisam ponore, neg ve sem se zmislil čoveka vu Kunovcu. Dok si došel vu Kunovec prošli tjeden na utakmicu, si nekaj oblaka slikal, a na tribini je bil Joža i štel se napraviti pameten pa nam je rekel pogleđte kaj je utakmica, čak je i Marko Posavec došel na nju. Sem videl njegove slike, celo vreme oblake i polja sliče. A sem mu se sam nasmijal i rekel mu kak je norc jer je Posavec profesionalec, a da of norc ispred njega jedva da zna fotoaparata držati v rukama – rekel mi je Štef i nastavil objašnjavati kak je Joži prodike držal.
– To ni nikakav fotograf, pok to je Tinč, norc z Glasa Podravine. Ti on ni nikakav fotograf. Am i ti Joža bedastoče pripovedaš – tak sam mu rekel. Cela se terasa smijala kak je of mislil da si ti Markina – veli mi Štef i pita kad bum i ja poludel i počel oblake slikati.
– Je trebaš za to volju imati, ja se rađe šečem do šanka, neg da vlečem su opremu po poljima. Ja i oblaki ti nejdemo skupa, sem preleni ja za to – velim ja njemu.
Nije prošlo dugo i došel je i moj nesuđeni alterego Posavec, a za njim i moj uvijek prisutan sensei Ivan Brkić.
– Eto ti pojačanja, vas jega ko vrganja, sam se pučete. Kak ste krenuli bu vas više neg igračof – veli mi Štef i nategne do kraja pivu. Kak su oni došli i smjestili se, odlučil sam napustiti Štefa i otiti, kak bi rekel Štef, k ostalim norcima.
– Sam Bog kaj sam te se rešil. Sam odi tam k njima i reči im da su norci skup s tobom. Bolje da hitite te aparate i otidete na pivu, neg kaj ste na suncu i ove norce z loptom i nas kak pijemo slikate – dobacil je Štef i rekel mi da mu se si skupa pridružimo v birtiji posle tekme.
