Morti bi naslov ovoga teksta trebal glasiti ‘Jesu li muzikanti i gurmani?’, jer ovak ovo zvuči kak tvrdnja: da muzikanti su i gurmani! Tu bi vam mogel odgovoriti i sa da i ne. Svakaj sam doživel v tom dugom muzikantskom stažu. Od selskih zabavi do vrhunskih restorana, ali i domače kuhinje v toploj obiteljskoj atmosferi koja se dogodila čist slučajno. No da se prisetim kak je to negda zgledalo.
Od kolači i malinovca do restorana z pet zvezdica
Dok su se plesnjaki održavali u nekojem vekšem razredu na našoj školi sviralo se na tzv čajankama v rano popodne. Morti mislite da je to bilo kak pri Englezima ‘fajf o klok ti’, ali ste se prevarili. Sve je to zgledalo ovak: domači malinovec z običnom vodom i domači kolači koje su spekle naše drage mame. To srečom ni dugo trajalo jer smo prešli svirat vu vekše dvorane na plesnjake na kojima ni bilo ničega osim plesa. I sad ti budi gurman, a nema ni malinovca ni kolači. Onda se počelo svirati i na plesnjakima v novoj Ekonomskoj školi gde ste mogli pojesti sendvič z parizerom. Sve v svemu jako skromna ili nikakva ponuda. Onda su se dogodili dočeki novoga leta. E tu vam moram spripovedati jednu istinitu anegdotu. Jedan naš klavijaturista je fakat volil puno papati, a jel je sve od reda. Sviramo mi doček na novo leto v koprivničkom Domoljubu. Ni bila baš bogznakakva ponuda ze standardnim kobasama i hrenovkama semfom. I tak pod pauzom pojedemo nas trojica po par kranjskih z dva kruha i krenemo prema pozornici. Kad evo ti basiste z malim zakašnjenje. I znate kaj se dogodilo. Ovaj naš z apetitom se pak vrne i mazne još jedan par. Neznam kak vama, al meni je to zgledalo malo preveč: dva para kranjskih, četri kruha za samo dvajst minut.
Na prvoj letnoj gaži smo imali sreču. Nekim čudom tu terasica v Opatiji su držali dvojice poznatih ugostitelja: Ađelo i Đuka. Jedno vreme su delali na Brijunima a Đuka je plovil i z Titekom na Galebu. Nemrem baš reči da je to bilo nekaj preveč gurmanski, al je svakak bila puno bolša kuhinja nego v našem Kalniku. Onda nam se dogodi kak studentima opatijski hotel Jadran gde smo imali tzv. personalnu hranu koja nije bila bogznakaj, ali smo mi to nadoknađivali z vlastitoga žepa. Barem dvaput tjedno smo se odšetali na Volosko do Plavoga podruma. Odličan riblji restoran gde smo naravno mogli jesti ala carte. Nisi mogel naručiti čušpajz grah v ribljem restoranu. Navek friška riba, ali kak mali ‘žabari’ uglavnom smo jeli file od osliča na pariški, pomfrit i šalatu. Na to je navek pasala istarska malvazija.
Moram spripovedati jednu anegdotu z našim gitaristom toga leta. V hotelu smo večerali na terasi ispod zelenila. Naš vam je gitarista kak student jel isključivo v studentskoj Menzi, ali je v hotelu prigovaral svemu. I tak jemput za vreme večere prigovara na kvalitetu telečega paprikaša kad ono sred jela mu se na tanjur, da prostite, uneredil jedan bezobrazni golub. Trebali ste videti njegvu facu i čuti naš zločesti smeh. To leto smo Braco, Cico i ja otišli na gažu v Crikvenicu još mesec dana i tu nas je fakat poslužila sreča. Kuharica je bila jedna naša Međimurka koja nas je fakat razmazila. Bilo joj je drago da se more malo pospominjati na svojoj kajkavštini pa je navek znala kaj bi mi rado pojeli mimo onoga hotelskoga sterilnoga jelovnika.
Dve letnje gaže na Lošinju su prešle v znaku toplo-zdeno. Jako smo ovisili o dobrom raspoloženju našega glavnog kuhara Jose. Za četri meseca gaže bilo je i kojekakvih čarki, a stvar je rešil Stari graničar. To vam je bilo jedno prestrašno piče, srečom ga više nema, a obožaval ga je naš Joso. Posle jednoga fajrunta, donesel je dve flaše toga huncuta, na svoj račun, i maltretiral neke članove benda dok flaše nisu bile prazne. Kvaliteta hrane se naglo poboljšala. Ja sam imal i drugu varijantu. Dok sam popodne ogladnil navrnul sam do kuhinje jer sam znal da je pripremu za večeru delala jedna draga teta Aliče. Navek je imala za mene nekakav zalogaj prije večere, a usput me je nafčila i pokoju talijansku reč.
Kaj se tiče gurmanluka to smo leto v Lošinju jako profitirali z talijanskom kuhinjom. Svojedobno sam napisal kak je nekim čudom vlasnik Karoline bil Talijan Angelino koj je dovodil isključivo svoje prijatele Talijane. Naravno da Joso ni mogel kuhati posebno za fine goste, a posebno za muzikante. Tak smo i mi mogli omasitit brk z nekakvom finom ribom. Ni krivi ni dužni za jednu smo večeru dobili ogromnu škarpinu z podlogom od francuske šalate. Gosti su otkazali večeru, a riba je več bila pripremljena. I kaj sad? Da se ne hiti, to bu večera za muzikante. Fala ti Joso. Jemput se pak dogodilo, bil je nekakav talijanski svetek, da smo za obed dobili obed z nekolko gangova testenine. Ruku na srce: kaj je preveč je preveč. E da. Nafčili smo parmezana posipavati na sva moguča jela.
Nastavak sledi.
Moj tjedni jelovnik
Petek
Juha/Glavno jelo: Fišpaprikaš z domačim rezancima.
Desert: Naravno da tu paše dobar gemišt. Ili morti dva?
Subota
Ovo je dan dok ja ne odlučujem o ničemu. Najme kaj? Irena ima rođendan, njezina organizacija, njezin jelovnik. Moglo bi biti ovak
Predjelo: Hladni narezak, sir, klipiči i…
Glavno jelo: Varijanta1: domaći mešani roštilj z prilogima; varijanta 2: mešani roštilj-ketering
Desert: Naravno gemišt i kolač za kojega je zadužena baka Đuro. Ak me pak ne pusti viroza ima i varijanta 3: obed doma z laganom juhicom, čajom i nekakva tableta.
Nedela
Juha: Goveđa juha z grisknedlima
Glavno jelo: Kuhana junetina, češnjak sos, pire od povrča
Desert: Kifli od lisnatoga z orehima
Pondelek
Juha/Glavno jelo: Povrtno pileči radu
Desert: Kifli se ne peču za samo za nedelu
Tork
Juha/Glavno jelo: Musaka od kelja
Desert: Palačinke z pekmezom
Sreda
Juha/Glavno jelo: Krmeči paprikaš z fužima; šalata ak vam paše Desert: Vočna šalata
Četrtek
Juha/Glavno jelo: Sarma z pireom
Desert: Pogačice sirom
Ovo moram malo pojasniti. Kak ima još dosta kiseloga zelja, Đuro je predložila da napravimo više sarme pa imamo za danas a nekaj zamrznemo pa moremo frišku sarmu
