Na tu temu bi čovek fakat mogel napisati romana dok bi se štel dotaknuti baš svih tih zgoda i nezgoda na kojekakvim mestima. Ono kaj me malo muči kaj se uz najbolšu volju nemrem setiti baš svih tih neverovatnih mesta i uvjeta v kojima smo znali pojesti svoj teško zasluženi zalogaj. Ono kaj mi se posebno ni sviđalo je dok smo morali jesti tam negde v dnu pozornice tak kaj su ljudi mogli videti kaj i kolko jedemo i pijemo. Doduše bilo je to retko i, ak se dobro sečam, samo na nekim davnim selskim zabavama baš v mojoj Podravini. No dok si tak mlad – bitno je da ne ostaneš gladen.
Taktika: snajdi se!
Dok si neiskusan moraš pažljivo poslušati ono kaj su prešli stareši muzikanti i onda razviješ nekakvu svoju taktiku. Nikak ti nemre biti svejedno kaj buš jel ak si na gaži celo leto. Stalna ekipa su šef kuhinje, konobari i bend, a menjaju se stalno samo gosti. Oni moreju biti i jako zadovoljni, al mi muzikanti smo nakon dve-tri smene gostiju celi jelovnik znali napamet. Dakle ovak. Dok prvi dan dojdeš v hotel, upoznaš recepcionerku/recepcionera, smeštiš se v sobu i sledeči je korak odlazak v kuhinju, upoznaš šefa kuhinje i platiš piče za osoblje. Ak je sve normalno, to buš ponovil tokom leta svakih par dana. Zna se negda dogoditi da je to loša investicija i onda menjaš taktiku. Više ne ‘napadaš’ šefa, nego najdeš dobru dušu v zamjeniku i dežurnom osoblju.
Ima jedna zgoda na koju baš i nemrem biti ponosan. Završimo vam mi gažu v porečkoj Plavoj laguni gde je hrana bila baš onakva kak se i očekuje v bungalov naselju: skoro kak v studentskoj menzi. Sve je trebalo dočiniti da bi to bilo donekle jestivo. I onda v jesen prejdemo v umaški hotel Adriatic i zadržim stare navike: nisam hranu ni kušal i več sam solil i papril. Velika greška. Tom je šefu trebalo skinuti kapu jer sam se brzo mogel uveriti da taj čovek zna svoj posel. Svako jelo je bilo tamam onakvo kak treba biti. Bravo, majstore.
Neznam dal vam smem spripovedati, i priznati, nekaj o mojim čudnim nočnim navikama za vreme dugih letnjih gaža. Najme kaj. Kak sam jako retko išel na doručak, trebalo je vloviti nekaj sna, onda me je glad vlovila baš nekak posle svirke, tam negde iza polnoči. Naravno da je teško gladen zaspati pa sam se moral snalaziti. Izlaz je bil v dobrim osnosima z nočnim recepcionerom i dobro snalaženje po hotelskoj kuhinji. Tu vam je svega bilo: ostanjki od večere ili dobro snabdjeveni frižideri. Sečam se nekih posebnih večera dok bi dolazili fini gosti za koje se navek pripremalo nekaj posebno i to vu večim količinama. To vam je bil zapraf navek pravi švedski stol z kojekakvim oblizekima. Od te ponude ostanjki moglo se navek zebrati nekaj za umornog i i gladnog muzikanta.
Zelena laguna v Poreču je bilo mesto koje se pamti, ne tolko zbog gastronomske ponude, kolko radi šefice Sonje. Bila je jedna lepa mlada žena i naš velki prijatel. Navek je imala razumevanja za moj kasni dolazak na obed i kak je v to vreme ostal samo najlošiji meni uz malu mitologiju, navek sam dobil kakav naravni i friško pečeni pomfrit. Svih pet meseci toga leta suradnja ze Sonjom je bila više nego dobra. No i v to vreme je trebalo tu i tam nekaj promeniti. Kak smo svirali v baru tek od 22.00, imali smo svako malo vremena skonuti do Bala na porciju istarskog pršuta i sira Kod debelog Nina. Ta se birtija i ni mogla drukčeše zvati jer je njegova figura baš odgovarala imenu birtije.
Da ostanem još malo v nočnoj ponudi. V Baškoj vodi smo takaj svirali v baru i obično bi posle svirke ogladneli. Srečom delala je jedna nočna terasa. Vlasnik terase, profesor tjelesnog odgoja v Zagrebu, neobičnog imena Tito, držal je prek leta nočni lokal gde su utočište našli muzikanti i njima slični. Imal je dobar roštilj gde sam prvi put pojel porciju tzv. bugarskih čevapa. V porciju idu samo tri komada, al z malo priloga čisto dosta za kasnu večeru. Negda ih delam i ja dok oču napraviti deci nekakvu malo promenu.
Spomenul sam prošli tjedan domaču kuhinju za muzikante. Pamtim dva slučaja, čini mi se i jedina, dok smo jeli v domačem okruženju z čisto domačom ponudom. Dok smo jemput svirali v Kuzmincu na jednom popularnom natjecanju ‘Mikrofon je vaš’, domačini su se tak organizirali kaj je svaki član benda bil gost pri jednoj familiji. Lepše nije moglo biti s obzirom na jako bogatu ponudu ljubaznih domačina. Druga je pak prilika bila za vreme velike podravske priredbe legendarne đurđevačke Picokijade. Naš gitarista Hans je rođeni Picok i posle odrađene jutarnje probe imali smo dosta vremena za jedan fini obed. Hans je pozval celi bend na obed k svojoj starici majki. Primila nas je kad da smo joj rođena deca i pokazala nam sve bogatstvo prave podravske kuhinje. I kaj da vam velim. Od prefine kokošje juhe z domačim rezancima, kuhanoga kokošjega mesa z hren sosom, pohanog piceka i svinjskoga pečenja z prilogom i šalatom. Za desert neznaš kaj je bilo bolše: diganci z orehima i makom ili štrukli sa sirom. Našla se naravno i kupica domačega vina z đurđevačkih bregi. Tak nekaj more vam pripremiti samo mama.
Moj tjedni jelovnik
Petek
Juha: Juha od kozica z kašicom
Glavno jelo: File od osliča na podravski, lešada
Desert: Čaša vina
Subota
Naša veteranska klapa danas bu si napravila praznik rada v goricama. Sve bu kak i desetlečima do danas samo kaj nas je nažalost sve manje:
Aperitiv: Za svakoga ponekaj: od likerčeki do domače žganice Predjelo: To se takaj zna: od kojekakvih nareski do namazi klipiča i….
Glavno jelo: Bogati roštilj z prilogima; odustali smo o tradicionalne janjetine. Celo janje nam je malo preveč.
Desert: I to se zna: od kojekakvih kolači za kaj se buju pobrinule naše bolše polovice, do gemišta i kave
Nedela
Juha: Anjgemahtec
Glavno jelo: Pohana piletina, rizibizi, šalata
Desert: Kolač z jagodana
Pondelek
Zapraf je danas praznik al smo mi to več obavili pa bu nekaj skromno
Juha/Glavno jelo: Vinski gulaš z par kockici krumpira
Desert: Znate da bu kolači od nedele
Tork
Juha: Kobasičja juha
Glavno jelo: Francuski krumpir, cikla
Desert: Kompot
Sreda
Juha/Glavno jelo: Čušpajz od poriluka z faširancima
Desert: Šnenokli
Četrtek
Juha: Paradajzova juha z rezancima
Glavno jelo: Pečeno carsko meso, krumpir na ploške, zelena šalata
Desert: Čaša pive
