Alen pa ja sam se zaljubil u obrnutog tebe – čujem jučer Štefa kak viče. Iskreno da vam velim ništ mi nije bilo jasno, jer jedino u kaj se Štef more zaljubiti, bar kolko ga poznam, je nova vrsta pive. Otišel sam mam do njega da vidim kaj to moj Štefo izvodi. Štef, Joža spomenuti Alen i još par kompanjona smiju se, a kraj njih gajba s pivom.
– O novinar, odi z nama slaviti i ti imaš razloga za slavlje. Pak ste sad velki dečki postali – veli meni Štef i otvori mi pivu. Kak je otvoril pivu, zastal je pogledom i upital me di mi je fotić.
– Je Štefo pak ne moram ja saki den delati, pak mogu i ja imati svog svetka i petka, odnosno nedelju. Sem ni denes dežuren, pak sem došel na pivu i odmah da pogledam kak igramo ove sezone – velim je Štefu i upitam ga kaj to puši, jel ga nigdar nisam čul da upotrebljava bilo koju inačicu riječi ljubav, a da u istoj rečenici nije bila i piva.
Joj ovaj velik, mislim format, vam je ajnc a. Već sam mislil iti po bolju dioptriju, ali ve mi je više ni treba
– Saka ti dala mali, viš kak si bistri. Pak je i ovaj put tak. Ne znam kolko se ti sečaš Alena, al on prije nigdar ni bil za akciju, a pogleđ ve od kak se vrnil s Njemačke, celu gajbu nam je platil i kak se onda čovek ne bi zaljubil v njega. Skros se obrnul čovek, al na bolje. El viš kaj Dojčland napravi od čoveka – veli meni Štef i odmah krene dalje verglati.
– Joj ovaj velik, mislim format, vam je ajnc a. Već sam mislil iti po bolju dioptriju, ali ve mi je više ni treba. A vidi se da ste jedni pravi novinari, sega jega tam vu tome. Saka čast za one sindikate, malo ljudi bi to objavilo, se ih ljudi boje, a zapravo je to glupost jel su ih zapravo sami ljudi tam postavili, pa ak im dobro ne delaju neki ih i maknu – veli meni Štef i govori kak je to jedino pravedno, da sako glasa pa kak zglasaju da tak bu.
– Se je to lepo, al za čas ne bu koga ko bu delal. Vidiš kak je Alen otišel vu Njemačku, a tak je otišlo još puno njih, a kak sem i pročital pri vami, čak vu četri škole nebu više prvašiča. I di bumo na kraju završili, pri vragu, eto di. Ova država bu postala jen veliki penzionerski dom, s hotelima. Sam ne znam ko bu delal, ak si vi mladi otidete i ak se više ne bu nišče rađal – skritiziral je demografsku sliku naš Štef i hitil flašu sucu v glavu. Ma samo se šalim, hitil ju je, al vu gajbu i zel drugu, punu. Jer i ovak i onak jedino kaj mu preostaje kak on veli, je čarobni eliksir u obliku pive s kojim sve, pa makar i na trenutak, dobi smisao.
