Pajdašica Pusi

Ovih prvih nekoliko dana baš pravoga proljetnoga vremena obnovilo se jedno staro prijatelstvo z dragom osobom koju nisam videl od prije korone dok je zadnji put bila v Koprivnici. Imal sam ponovno priliku biti v društvu Pusi, drage prijeteljice z daleke Tanzanije. To vam je Davorova djevojka koju sam upoznal tam negde još v predratnim vremenima. I eto nakon kojekakvih peripetija v ovim nesretnim vremenima, Pusi je došla na par dana v našu Koprivnicu. I kaj da napravim? Bumo napravili nekakvu zakusku jer se uz dobru papicu i čašu vina najlakše setiti kojekavih lepih uspomena i događaja z raneših naših susreta v Koprivnbici ali i v Tanzaniji.


Još tam negde v prošloga leta nazval me Davor z Tanzanije i pital: Moreš poslati Pusi recept za sekeli gulaš?. Pomislil sam: Davore dragi. Pa ko dela sekeli gulaš v žarkoj Afriki i još k tome sred leta? Kak je Pusi jako dobra kuharica ona je ipak uspela skuhati sekeli gulaš na svoj način. Neznam kak je skiselila zelje, al je Davor rekel: Bilo je fino samo to ni sekeli gulaš!. Sad je baš bila lepa prilika da napravimo jedan lepi obed dobrodošlice i to ze sekeli gulašom. Kak se dela sekeli zna svaka podravska kuharica, a tu i tam neki Podravec. Da nebu obed baš samo sekeli, dodal sam malo za predjelo suhe kobase i špeka z klipičima, koje pak Davor obožava. Obed smo završili ze štruklima sirom i naravno z čašom draganovečke graševine i vrhunskim Tončovim portugiscom.

Verojatno se pitate kak smo se spominjali z Pusi? Više nego lepo. Tu je Davor z engleskim, pomogel je i Jan, a Pusi i Đuro su čak same otišle v podrum da pregledaju zalihe naše slatke zimnice. Naravno da je pala i razmena iskustva: kak se to zove i kak se to dela? Je da su nas posle razgovora malo bolele ruke i noge, al dobri ljudi se lako dospomeneju i razmeju. Naravno da smo Pusi i ja malo razmenili gastronomska iskustva. Zdopale se joj se naše domače kobase i nekak mi se čini da bu ona taj jednostavni recept sprobala i v Tanzaniji. Šteta kaj sam ostarel. Mogel sam v nekim mlajšim letima napraviti z Pusi kompu, početi mesarski biznis i obogatiti se.

I znate kaj se onda dogodi? Zaboravili smo se na kraju obeda vudriti na kipec da imamo uspomenu na ovo druženje. Situaciju smo spasili v subotu v jutro. Pozval sam Pusi i Davora da dojdu na onak jedan brzinski gablec na friški zrak v Mirni dol. Bil je to jedan prelepi proljetni dan i to pod brajdom naše kleti. Sve nam se poklopilo. Priroda nam je išla na ruku. Vuru vremena smo sedeli, pomalo se spominjali o koječemu i oprostili se z porukom: Dojdi ti nama Pusi v rujnu pa da vidiš lepotu podravske jeseni’.

• Prelepi proljetni dan z dragim prijatelima v Draganovcu / FOTO PRIVATNA ARHIVA

Svojevremeno sam imal jedno predavanje v našoj Knjižnici Fran Galović na temu tanzanijske kuhinje, koju sam sprobal dok sam negda davno bil v Tanzaniji, a bum vam spomenul i neka jela za koja sam recepte dobil od Pusi. Evo vam nekolko naziva tanzanijskih jela pa ak očete to i skuhati morem vam poslati recepte.


  • Juha z tripicama iliti filekima
  • Pilav od cvjetače
  • Pilav od cvjetače
  • Kande s mesom
  • Mali zalogajčići od jetra
  • Pečene banane

Da se ne zavarate pa pomislite da su to špek fileki. Ma ništ slično našim filekima. Evo vam recepta: 0,5 kg fileka , 6 velikih zelenih banana, mekana vrsta poput matokea, 1 velika sitno narezana rajčica, 1 veliki sitno sjeckani luk, 1 velika žlica gheeja, 3 nasjeckana češnja češnjaka, 1 limeta ili limun, 1 kokos, sol i papar prema želji. Ak ste dovoljno hrabri i znatiželjni, sprobajte ovo onak samo za znatiželjnu pajdašiju. Nigda se nezna. Morti bu to pravo otkriče. Čar gastronomije i je v otkrivanju novoga dok vam dosadi naša podravske kuhinja.

Dan očeva

Prošle nedele je bil dupli svetek: Josipovo i Dan očeva. Znate i sami da se to baš pri nama ne slavi onak kak Dan žena ili Majčin dan, al se o tome v zadnje vreme malo više počelo pripovedati. Malo sam se bolje o svemu informiral i videl da su žene, šteli to priznati ili ne, bolje organizirane i složneše nego mi. Tak je Majčin dan svakud po svetu 12. svibnja a Dan očeva je kak se ko seti. Tak sam našel podatak da je posvakud, v pedeset i dve zemlje sveta, to treča nedela v lipnju a mi smo to deli na 19. 3. Z nama v Evrpopi to još na taj dan slave Italija, Portugal, Španjolska i Lihtenštajn. Moramo mi biti malo drukčeši od drugoga normalnoga sveta. I još k tome se Dan očeva poklopi na Jožefovo. Na to imam velku zamerku. Ko je to tak splaniral da mi je znati? Moj pajdaš Joso ima onda problem. Ak izvede ženu na nekakav bolši obed, žena mu se mora odužiti z nekakvim poklonom. To vam je mam dupli strošek vu familiji. Ili morti ovak: Joso plati klopu. a njegva zakonita pijaču. Nekaj vam moram priznati. Od tih silnih Dana ovoga i onoga, svaki je dan nekakav Dan, najbolje se držati nekakvih zapovedanih blagdani koje smo odavno zapamtili. Znam onih par crkvenih i sve one važne goričke kaj se lako pamti i za celo mi je leto čisto dosta. Nek tak i ostane.

Moj tjedni jelovnik

Petek


Juha: Krem juha od kozici z rezancima

Glavno jelo: File od soma na podravski, kuhano povrče

Desert: Čaša vina

Subota

Moglo bi se dogoditi da padne prvi roštilj v prirodi

Predjelo: Kak i navek: svega pomalo: jeger, špek, sir, kuruzni kruh

Glavno jelo: Mešani roštilj i kojekakvi prilogi, bruskete/lepinje

Desert: Gemišt od graševine

Nedela

Dobil sam malo starešu kokicu pa bum ovak nekaj napravil:

Juha: Juha od kokošinog sitniša z grisknedlima

Glavno jelo:Bolši delovi kokoši na saft ze šampinjonima, luleki od kolko-tolko testa, šalata

Desert: Bela mađarica

Pondelek

Juha/Glavno jelo: Domači rezanci ala karbonara; verujte da je to bolše od špageti

Desert: A kaj drugo nego sok

Tork

Juha/Glavno jelo: Čušpajz od kelja, kuhani suhi buncek/rebra

Desert: Kuruzna zlevanka

Sreda

Juha: Kobasičja juha

Glavno jelo: Francuski krumpir

Desert: Šnenokli

Četrtek

Juha/Glavno jelo:Grah-fileki; napravite fileke kak i navek, ubacite šaku kuhanoga graha i dobro začinite

Desert: Čaša pive

Vezani članci

Najčitanije